Вера Дмитриевна Богатырева

1941-2025 сс.

1941 сыллаахха тохсунньу 27 күнүгэр Тыараһаҕа, Даркылаахха төрөөбүтэ.
1953 с. «Абааһылаах» оскуолатыгар үөрэнэ киирэр.
Оскуолатын 4 кылааһынан түмүктүүр. 16 сааһыттан торбос көрөөччүнэн фермаҕа үлэлиир.
1961 с. Семен Петрович Богатыревтыын Чөркөөххө ыал буолбуттара. Кэлин Кыйыга көһөн кэлэн Семен Петрович тракториһынан, Вера Дмитриевна ыанньыксытынан үлэлээбиттэрэ. Кэргэнинээн Сэмэнниин 50 сыл бииргэ олорон Тыараһа сис ыала 2 оҕо, элбэх сиэн оҕолор, эһээлээх, эбээлэрэ буолбуттара.
«Көмүс тылларбын тиһэн»  хоһооннорун хомуруунньугуттан биир хоһоонун.

Аҕам сэрииттэн кэлбит үөрүүтэ.

Сэрии бүппүт сураҕа
Алаас аайы иһиллэн,
Аламай күммүт сырдыгынан
Сир-дойду киэргэйдэ.

Харамаайы сайылыкка ол сайын
Кыайыы ыһыаҕа буолбута
Аттаах, сатыы тиэстибитэ
Оһуохай, олоҥхо дьиэрэйбитэ

Биэс саастаах тоҥуй кыыс
Аҕабын саҥа көрбүтүм
Доҕуурга иҥнибит туллуктуу
Сүрэҕим өрүкүйбүтэ үөрбүтэ

Аҕам кэлбит үөрүүтэ
Дьиэ дьонум малааһына
Төгүрүк остуол тула
Сэһэн-сэппэн ырааппыта

Сааһыран олорон саныыбын
Олоҕум умнуллубат түгэнин,
Аҕам ньилбэгэр олордон
Таптыыр ыманныйар үөрүүтүн!