Гоголева Федора Гаврильевна

 Алексеевскай оройуонун Тыараһа нэһилиэгэр 1960 с. Гаврил Егорович уонна Федора Изотовна Эртюковтар дьиэ-кэргэҥҥэ 7 оҕонон төрөөбүтэ.
1977 с. Чөркөөх орто оскуолатын бүтэрбитэ.
1983 сыллаахха Гоголев Василий Прокопьевичтыын ыал буолан 7 оҕоҕо күн сирин көрдөрбүттэрэ, хас да сиэн иһирэх эбээтэ. Иитээччи идэлээх, үлэ бэтэрээнэ. Чөркөөх олохтооҕо.
Көҥүл тылбаастыын барыта 10 хоһоонноох. Төрөөбүт нэһилиэгин «Тыараһа» хаһыатыгар бэчээттэнэн тахсыбыттара.

Кэриэс дьоммутугар

«Ордук сытыытык дойдубун сайылыкка тахсыы, балаҕаҥҥа киирии кэмигэр ахтабын..»
(В. Д Давыдова Л.Н Григорьеваҕа суругуттан)

Сайылыкка көһүү, балаҕаҥҥа киирии,
Сүөһүнү — аһы бөрөөһүн,
Былыр былыргыттан түбүк.

Аныгы киһи сиэринэн
Арыый мин холкубун
Ахтылҕаннаах дойдум устун
Аргыый хаамабын.

Бу күөх кырдалга дьаарбайа
Бэйэбин ордук саныы
Ыраах саҕаҕы одуулуубун
Төрүт түбэлэригэр төннүбэтэх
Ытык дьоммутун саныыбын

Эбэбит Кыйы тула
Таптыыр Тыараһабыт олохсуйан
Эдэртэн эйэтин, эмэнтэн
алгыһын ыла
Тутуһар үйэ сарсыҥҥытын.
2011 сыл.