Николаев Василий Афанасьевич-Сынык Баһылай

1932-2022.

 1932 сыллаахха Бүлүү оройуонугар Өргүөт (Арыылаах) нэһилиэгэр холкуостаах дьиэ-кэргэнигэр төрөөбүтэ. Василий Афанасьевич 1971 сылтан саҕалаан суруйааччы И.Е. Федосеев- Доосону кытта 4-с кылаас «Төрөөбүт литературабыт» учебнигы 20  тахса сыл оҥорбуттара. Тылбаасчыт быһыытынан биллэрэ.  Тылбаастара «Ленин биҺиги сүрэхпитигэр»,  «Домбра дорҕоонноро» сборниктарга бэчээттэммиттэрэ. Таатта улууһун, Тыараһа нэһилиэгин бочуоттаах олохтооҕо.

 

Тыараһа

Кыргыс кырыктаах батаһа

Кыыллаабыт уолана Тыараһа

Сир-дойду үтүөтүн сураһа,

Туруорбут бу манна ураһа.

 

Сылтан сыл салҕанар балаһа,

Үйэттэн үйэҕэ далаһа,

Былыргы эр-хоһуун Тыараһа-

Билигин нэһилиэк Тыараһа.

 

Олохпут оломун сулуһа,

Угуйар уйгуга дьулуүа.

Ол онно дууһалыын талаһа

Тардыһар бар дьоннуун Тыараһа.

 

Онтубут айаас ат арҕаһа,

Миинэбит эт-мэйии салаһа.

Ол эрэн сиэлиттэн тутуһа,

Көтүһэр күөх дуолга Тыараһа.

 

Аныгы айылгы албаһа,

Айылҕа кырымах кырыһа,

Өй, быччыҥ быыппастар тыйыһа

Тапталлар тамана Тыараһа.

 

Ахтыма ааспыты сайыһа,

Көрсүмэ көлдьүнү кыраһа-

Барытын сабыаҕа кыраһа,

Барҕара сайдыаҕа Тыараһа.

 

Сирдээҕи сиэр-майгы аргыһа

Арчылыыр арыы-сыа алааһа

Буола тур, тыа сирэ Тыараһа!