Собакин Афанасий Никитич (1924-1995) “Хорсунун иһин” бойобуой мэтээл хаһаайына

Тыараһа нэһилиэгэр 1924 с. төрөөбүтэ. Сэрии иннигэр «Күөдьүй» холкуоска тырахтарыыстаабыта. Аармыйаҕа 1943 сыл ыам ыйын 23 күнүгэр Чурапчы РВК-нан барбыта. I Прибалтийскай фроҥҥа сибээскэ сулууспалаабыта. Сэрииттэн 1946 с. кэлэн,Бурятияҕа олохсуйбута. 2 оҕолоох. Цемент собуотугар үлэлээбитэ. Ыалдьан өлбүтэ,Бурятияҕа көмүллэн сытар.

“Коммунист” хаһыат ыам ыйын 9 күнүгэр 1981 с. Собакин Михаил Алексеевич«Убайдарым туһунан» ыстатыйатыттан:

«… Афанасий Никитич Собакин сэриигэ бараары туран, мин илиибин ыга тута-тута: “Быраһаай, үөрэхтээх киһи буол. Үчүгэйдик олоруҥ,баҕар, этэҥҥэ эргиллэн кэлиэхпит”, — диэн кэс тылын эппитэ.

Кини I Прибалтийскай фроҥҥа сибээскэ сулууспалаабыта. 1943 с. Таллин куоракка түспүт хаартыскатын ыыппыта, онно “Хорсунун иһин” мэтээллээх этэ. Кини сэрии түмүктэниэр диэри сылдьыбыта.

1946 с. дойдутугар кэлбитэ. Бурятияҕа Каменскай бөһүөлэккэ олорор, икки оҕолоох. бэйэтин олус дьоллоох киһинэн ааҕынар, ол курдук кыргыһыы устатыгар биирдэ да бааһырбатах»

Литература: “Тыараһа 1941-1945 Аҕа дойдуну көмүскүүр сэриигэ”Дьокуускай. 2020 c.