Бу сыл олунньу 27 күнүгэр «Саха» көрдөрөр — иһитиннэрэр хампаанньа ханаалыгар «Уот Дьулустаан» диэн саҥа киинэни бары көрөөрү кэтэһэ сылдьаргыт буолуо. Бу киинэ — саха биллиилээх ураты көрүүлээх суруйааччыта, туспа суоллаах — иистээх айымньылардаах Валентина Николаевна Гаврильева кэпсээнинэн уһуллубут киинэ. В.Гаврильева 1973с. ССРС суруйааччыларын Сойууһун чилиэнэ, СӨ культуратын үтүөлээх үлэһитэ.
Киинэ сценарийын К.Григорьева-Кэрэмэс Сыдьаай суруйбут. Кини сценарийынан уһуллубут «Хирурдар» диэн киносериалы былырыын ТВ көрбүккүт.
Сүрүн оруолга Тыараһаттан төрүттээх Софронова (Собакина) Мира Александровна уонна Тараканов Дмитрий Дмитриевич төрөппүт уоллара Ытык-Күөллээҕи А.И Софронов — Алампа аатынан №1 орто оскуола 5 кылааһын үөрэнээччитэ Айтал Софронов итэҕэтиилээхтик оонньуур.
Бу саҥа буолаары турар киинэ кинигэтин нэһилиэк библиотекатыттан уларсан ааҕаргытыгар ыҥырабын. Кэпсээни ааҕаҥҥыт киинэтин кытта тэҥнээн көрөөрүҥ.
Уот Дьулустааны көрдүүр Ньукууну уонна да атыттары бу кэпсээни ааҕаҥҥыт билиэххит…