Алексей Елисеевич Кулаковскай- Өксөкүлээх Өлөксөй 1912 сыллаахха ыам ыйыгар Хаҥалас улууһун Хачыкаат бөһүөлэгэр баара-суоҕа 35 саастааҕар суруйбут «Саха интеллигенциятыгар» сурук диэн улуу айымньытыгар бүтүн үйэни уҥуордаан туолар, туолбут, өссө да туолуохтаах этиилэри киллэртээбитэ. 2022 сылга Алексей Елисеевич 145 сааһын уонна «Саха интеллигенциятыгар» суругун айбыта 110 сылын бэлиэтээбиппит.
Үүммүт саҥа сыл тохсунньу ый 16 күнүгэр, олохтоох библиотека үлэһитэ «Өксөкүлээх үөрэҕэ» проект чэрчитинэн Тыараһа орто оскуолатыгар 10-11 кылаас үөрэнээччилэригэр бу айымньыны билиһиннэрдэ, сырдатта.Үөрэнээччилэр көхтөөхтүк кэпсэтиигэ кыттыыны ыллылар, бэйэлэрин санааларын эттилэр, урукку уонна билиҥҥи кэми тэҥнээн көрдүлэр, дьүүллэстилэр. Кыттыыны ыллылар 16 үөрэнээччи, 2 учуутал.