1 Star2 Stars3 Stars4 Stars5 Stars (No Ratings Yet)
Загрузка...
282 views

«ХОҺООН КУТУМ, ХОТУН КУТУМ» онлайн ыытыллар хоһоон ааҕааччылар күрэстэрин балаһыанньата

 

 

СР Суруйааччыларын сойууһун чилиэнэ, поэт Ирина Афанасьевна Колодезникова – Ымыы аатынан «ХОҺООН КУТУМ, ХОТУН КУТУМ» онлайн ыытыллар хоһоон ааҕааччылар күрэстэрин балаһыанньата

Тэрийээччилэр:
Таатта улууһун Л.Н.Турнин аатынан “Алгыс” норуот айымньытын дьиэтэ, М.Н.Турнин аатынан Тыараһатааҕы орто оскуола-уһуйаан, Тыараһатааҕы библиотека.

Күрэс сыала-соруга: И.А.Колодезникова хоһооннорун үйэтитии, киэҥ эйгэҕэ таһаарыы, кэнчээри ыччаты төрөөбүт тыл эйгэтигэр киллэрии.

Ыытыллар болдьоҕо:
— Алтынньы 1-23 күннэригэр — үлэлэри тутуу
— Алтынньы 23-27 күннэригэр – дьүүллүүр сүбэ үлэтэ
— Алтынньы 28 күнэ – кыайыылаахтары наҕараадалааһын

Күрэс ирдэбилэ: күрэскэ саастарынан арахсан биирдиилээн ону сэргэ дьиэ кэргэнинэн хоһоон ааҕааччылар кыттыыны ылаллар. Булгуччу Ирина Афанасьевна Колодезникова – Ымыы биир хоһоонун нойосуус үөрэтэн, иэйиилээхтик ааҕан, видеоҕа устан (төлөпүөнү сытыары тутан, хамсаппакка устан) тэрийээччилэргэ сайаапка ыыталлар. Күрэс кыттааччылара биэс бөлөххө арахсаллар.
1. Уһуйаан саастаах оҕолор
2. Оскуола алын кылааһын оҕолоро
3. Орто уонна улахан кылаас оҕолоро
4. 18-тан үөһэ саастаах улахан дьон
5. Дьиэ кэргэнинэн хоһоон ааҕааччылар
Кыттааччыттан усунуос – 300 солк.

Үлэлэри тутуу: Кыттааччы сайаапка ыытарыгар аатын-суолун, салайааччытын аатын-суолун, ханнык улуус, нэһилиэк буоларын толору суруйар, уһуйаан саастаах оҕо сааһын, үөрэнээччи ханнык оскуолатын, кылааһын, ааҕар хоһоонун аатын суруйан тэрийээччигэ ыытар. Усунуос төлөммүтүн бигэргэтэр чегын сайаапкатын кытта ыытар.
Үлэлэри тутуу бөлөхтөрүнэн тус-туспа хамыыһыйаҕа ыытыллар:
1. Уһуйаан саастаах оҕолор (эппиэт. Чехордуна Н.В. 89141018127)
2. Оскуола алын кылааһын оҕолоро (эппиэт. Колодезникова А.И. 89247693933)
3. Орто уонна улахан кылаас оҕолоро (эппиэт. Полускина Г.И. 89142332208)
4. 18-тан үөһэ саастаах улахан дьон (эппиэт. Сабарайкина А.А. 89142913032)
5. Дьиэ кэргэнинэн хоһоон ааҕааччылар (эппиэт. Слепцова М.Д. 89142622838)
Ханнык бөлөххө кыттаргытынан эппиэтинэстээх дьону кытта билсэҕит. Сайаапка регистрацияны аастаҕына, видео устуулар анал телеграм каналга киирэллэр.

Сыаналанар:
1. Кыттааччы хоһоону нойосуус үөрэтиитэ, иҥнибэккэ ааҕыыта (макс. 10 балл)
2. Айымньы ис хоһоонун арыйар гына иэйиилээхтик ааҕыыта (макс. 10 балл)
3. Кыттааччы таҥаһа-саба, хоһоон ис хоһоонугар сөп түбэһиннэрэн туһаммыт реквизитэ, декорацията (макс. 5 балл)

Наҕараадалааһын: Хас бөлөх ахсын 1,2,3 миэстэ баар буолар. Ону сэргэ бары бөлөхтөрү хабан туран, биир муҥутуур кыайыылаах быһаарыллар. Муҥутуур кыайыылаах бирииһэ – 10000 солкуобай. Бары миэстэлэспиттэргэ грамота, харчынан бириис, кыттааччыларга сертификат туттарыллар.

Колодезникова И. А- Ымыы кинигэлэрин бу сигэнэн киирэн туһаныҥ

⬇️⬇️

https://ytybibl.ru/index.php/poisk-knig/115/search?searchtext=%D0%9A%D0%BE%D0%BB%D0%BE%D0%B4%D0%B5%D0%B7%D0%BD%D0%B8%D0%BA%D0%BE%D0%B2%D0%B0+%D0%98%D1%80%D0%B8%D0%BD%D0%B0&author=on&title=on&description=on&publisher=on&catid=0&option=com_booklibrary&task=search&Itemid=115

Добавить комментарий

Ваш адрес email не будет опубликован. Обязательные поля помечены *