Бырааһынньыктааҕы остуол бэйэтин тула дьиэ кэргэни мунньар алаһабыт ытык миэстэтэ буолар. Остуол киэргэтиитигэр от күөх, үрүҥ көмүс элегантнай өҥнөр баар буолуохтаахтар дииллэр эбит. Бүлүүдэлэртэн илиҥҥилии араас тумалаах оҕуруот аһыттан салааттар, куурусса этэ элбэҕэ биһирэнэр.

Кэнсиэрбэ балыктаах салаат

бэйэҕит сөбүлүүр кэнсиэрбэ балыккыт
хортуопуй 1шт
моркуоп 1 шт
сымыыт 2шт
эриэппэ луук 1/2
майонез 150гр
киэргэтиигэ кыһыл икра эбиэххитин сөп

Бастаан хортуопуйгутун, моркуопкутун, сымыыккытын буһараҕыт. Дириҥ истээх киэҥ иһиккэ салааппытын хомуйабыт. Бастаан балыккытын кутан биилкэнэн бытарытан биэрэҕит үрдүгэр луукпут аҥарын кыра гына кырбастаан тэнитэн кутаҕыт. Салҕыы майонеһынан чараас гына сыбыыгыт үрдүгэр хортуопуйбутун теркалаан кутабыт кыратык туус таммалатабыт уонна эмиэ майонеһынан сотобут. Кэлэр слойбут теркаламмыт моркуоп онтон сымыыппыт маҥанын туһунан теркалаан кутабыт уонна бүтэһик слой сымыыппыт араҥаһа буолар. Бу слойдар икки ардыларыгар эмиэ майонезпыт баар. Саамай үрдүгэр майонеһынан сиэткэ курдук түһэрэн икки ардыгар икранан киэргэтиэххэ сөп.

Духуопкаҕа буспут шашлык

Сибиинньэ этэ
Луук
Уксуус
Саахар
Лимон суога
Туус, тума ким төһө сөбүлүүрүнэн

Эппитин улахан куһуоктарга кырбаан, өтүйэнэн сынньан биэрэбит. Салапаан үрдүгэр оҥорор ордук. Кырбаммыт эти тууһунан, туманан сотон баран, өссө биирдэ таптайан ылабыт. Дириҥ иһиккэ барытын кутан, ким тугу сөбүлүүрүн кутан, луугу куһуоктуу кырбаан уган биэрэбит, икки чаас кэриҥэ маринуйданар. Биир чаас иннинэ эриэппэ луугу маринуйдуур ордук. Оччоҕо эппит өссө минньигэс буолар. Луукпутугар оргуйбут уу кутабыт, 3-4 ост.нь уксуус, 2 ост. нь. саахар, туус эбэн биэрэбит. Өссө лимон суогун кутуохха сөп. Салгыы, сүрүн бэлэмнээһиҥҥэ киирэбит. Духуопканы муҥутуур температураҕа тиийэ сылытабыт. Ас буһарар рукавка эппитин уонна маринуйдаммыт луукпутун угабыт, икки өттүттэн үчүгэйдик үчүгэйдик туттарабыт. 1-1.5 чаас буһарабыт.

Тэллэйдээх салаат

400гр шампиньон тэллэй
Куурусса филета
Туустаах оҕурсу 3шт
Моркуоп 1шт
Хортуопуй 4-5шт
Сымыыт 4шт
Эриэппэ луук 1 шт
Майонез 150гр
Туус

Бастаан кууруссаҕытын, моркуопкутун, хортуоскаҕытын, сымыыккытын ууга буһараҕыт. Лууккутун арыыга ыһаарылаан ылаҕыт саһархай буолбутун кэннэ үрдүгэр тэллэйбитин кыра гына кырбастаан туус кутабыт уонна уута көтүөр диэри буһарабыт. Ингредиеннарбытын барытын кыра гына бысталыыбыт уонна тэллэйбитин кытта майонеһынан холбоон буккуйабыт. Салааппыт тура түстэҕинэ өссө минньийэр.

Сокууска

Крабовай палочка
Сыр
Туус
Чеснок
Петрушка
Майонез
Сымыыт

Сыырбытын, крабовай палочкабытын теркалыыбыт. Туус, чеснок, петрушка кутан майонеһы кытта буккуйабыт. Салҕыы сымыыппытын буккуйан блины курдук икки өттүттэн буһаран ылабыт уонна начыыммытын кутан рулет курдук эрийэбит. Кыратык туруора түһэн баран бысталаан остуолбутугар уурабыт.

Кыһыл балыктаах сокууска

кыһыл балык
творожнай сыыр
оҕурсу
бэлэм тарталетка

Бэлэм тарталеткаҕа творожнай сыырбытын тэнитэн кутабыт үрдүгэр кыһыл балыкпытын кыра гына бысталаан уурабыт уонна оҕурсунан киэргэтэн биэрэбит.

Олус боростуой сокууска

сыыр
копченай халбаһы
сибиэһэй оҕурсу

Бастаан сыырбытын син улахан гына кубиктыы быһан баран бэлэм шпашкаҕа анньабыт онтон оҕурсубутун чараас хаптаҕай гына быһан эрийэн угабыт уонна шпашкабыт үрдүгэр икки төгүрүктүү быһыллыбыт халбаһыбытын роза сибэккигэ майгынныыр гына суулаан угабыт. Закускабыт остуолу наьаа киэргэтэр.

Чэпчэки оливье

Хортуоска – 5-6 уст.

Куурусса этэ – түөһэ уонна буута,

Сымыыт – 4-5 уст.

Моркуоп – 1-2 уст.

Сибиэһэй оҕурсу – 1-2 уст.

Горох – бааҥка аҥаара.

Сүөгэй (чөчөгөй), туус, специя.

Моркуобу, хортуосканы буһаран баран, кырбыыгыт. Буспут эти, сымыыты, оҕурсуну кырбаан, барытын кутан булкуйаҕыт. Туустаан, чөчөгөйдөөн баран, туруора түһэҕит.

Арыгыта суох “сампаан”

Арыгы испэт дьон маннык утаҕы оҥостон иһиэхтэрин сөп эбит. “Мохитоҕа” майгынныыр утаҕы оҕолор да сөбүлүөхтэрэ. 1-1,5 лиитирэ гаастаах ууга лимон аҥаарын, лайм аҥаарын кырбаан, мята сүүмэҕин, 2 ч.нь. мүөтү кутан, булкуйан баран, үчүгэйдик хаппахтаан, халадыынньыкка 15-20 мүнүүтэ туруора түһэҕит.

Саҥа дьылынан! Саҥа дьолунан!