1 Star2 Stars3 Stars4 Stars5 Stars (1 votes, average: 5,00 out of 5)
Загрузка...
47 views

Таҥха киэһэтэ квест — оонньуу

🔵🔮“ТАҤХА КИЭҺЭТЭ” КВЕСТ-ООННЬУУ
Тохсунньу 22 күнүгэр Л.Н.Турнин аатынан “Алгыс” норуот айымньытын дьиэтигэр үрдүкү кылаас үөрэнээччилэригэр анаан “Таҥха киэһэтэ” диэн квест-оонньуу ыытылынна. Оҕолор биэстии киһилээх үс хамаандаҕа арахсан, уопсайа сэттэ түһүмэҕи аастылар. Кулууп дьиэтин хас хоһун ахсын, үлэһиттэр араас уобарастаахтык таҥнан-симэнэн оҕолор билиилэрин, сэрэйэн көрөр хаачыстыбаларын (интуицияларын), тобуллаҕас толкуйдарын, эт-сиин өттүнэн төһө бэлэмнээхтэрин тургутан көрдүлэр.
Түмүккэ 8-с кылаас үөрэнээччилэрин (кылаас салайааччыта У.Р.Романова) маҥнайгы хамаандата кыайыылаах тахсан, грамотанан, анал бэлэҕинэн наҕараадаланна. Бары кытааччыларга туоһу сурук туттарылынна. Инникитин олохтоох култуура дьиэтэ “Пушкинскай карта” диэн Бүтүн Россиятааҕы хамсааһыны олоххо киллэрэн ый ахсын оҕолорго анаан араас хабааннаах тэрээһиннэри ыытар былааннаах.

Добавить комментарий

Ваш адрес email не будет опубликован. Обязательные поля помечены *