Тохсунньу 31 күнүгэр Тыараһа нэһилиэгэр «Тыараһа ревизиялара, биэрэпистэрэ, испииһэктэрэ» диэн нэһилиэк устуоруйатын 17 үйэттэн 20 үйэҕэ диэри араас кэмҥэ ыытыллыбыт биэрэпистэр, тыа хаһаайыстыба, сыылкаҕа кэлбиттэр, дьаһаах төлөөһүнүн уо. д. а. араас эбии матырыйааллаах кинигэ биһирэмэ буолла. Хомуйан оҥордулар ини-биилэр Никифор уонна Сандал Жерготовтар.

Тыараһа нэһилиэгин дьаһалтата кинигэ күн-сирин көрөрүгэр өйөбүл буолла.

Ыҥырыылаах ыалдьыттар ,Таатта улууһун баһылыгын социальнай сайдыыга солбуйааччыта С. В. Сунхалыров, » А.Е.Кулаковскай института» научнай -чинчийэр институт сотруднига С. Д. Дарбасова, Таатта лицейын дириэктэрэ И. А. Сивцева уонна биир дойдулаахтара, кыраайы үөрэтээччилэр, аймах-билэ дьоно кинигэ тула санааларын үллэһиннилэр, ырытыстылар.

Олохтоох библиотекаҕа автордар кинигэлэрин бэлэхтээтилэр.

«Киэҥ далааһыннаах, кэскиллээх үлэҕит,  ылбыт тэтимин ыһыктыбакка салҕаннын»- диэн биир дойдулаахтара баҕа санааларын эттилэр, тиэртилэр.