МУУС УСТАР 20 КҮНҮГЭР
“Алгыс” норуот айымньытын дьиэтигэр
Россияҕа Дьиэ кэргэн, Саха Республикатыгар Оҕо саас, Таатта улууһугар Эрэл, Итэҕэл, Таптал сылыгар аналлаах, Библионочь хамсааһын чэрчитинэн
“ДЬИЭ КЭРГЭНИМ — ДЬИҤ ДЬОЛУМ” сэргэх тэрээһин ыытыллынна. Тэрээһин сарсыарда дьаарбаҥка — барахолкаттан саҕаланна. Күнүс
“Дьиэ кэргэним- дьиҥ дьолум” төгүрүк остуол тула мустан истиҥ кэпсэтии саҕаланна. Григорьева Е.П уйулҕа үөрэҕэ этэринэн интэриэһинэй кэпсэтиини ыытта, төгүрүк остуолга кэлбит дьоҥҥо араас мунаарар боппуруостарга эппиэттээтэ. Собакина С.Н дьиэ-кэргэн төрүччүтүн туһунан хайдах ылсан архыыпка үлэлиири, оҥорору сүбэлээтэ, кэпсээтэ. Дьокуускайдааҕы национальнай. архыыптан 1926-1927сс дылы Тыараһа дьиэ — кэргэннэрин посемейнай испииһэктэрин куопуйалаабытын көрдөрдө, кэпсээтэ, архыыпка үлэлээн төрүччүгүтүн оҥотторун диэн сүбэлээтэ. Полускина Г.И.аныгы демо-версия уйулҕа оонньуутун «Дорога открытий» ыытта. Кэлбит дьон интэриэһин ылла. Кыттааччылар билбэтэхтэрин биллилэр, инники сыалларын саҕалыылларыгар, ситиһэллэригэр суолларын биллилэр.
Киэһэ “Мин дьиэ — кэргэним” Квиз оонньуу 4 дьиэ-кэргэн хамаандата (ийэ, оҕотунаан) күөн көрүстүлэр. Инники, олохтоох администрация баһылыга Турнин П.П киирии тылы этэн, сибэкки дьөрбөтүн хамаандаларга бэлэхтээтэ, ситиһиини баҕарда. Квиз- оонньууну Полускина Г И үөрүйэхтик салайан ыытта.
Араас өй тургутуга, пазл хомуйуута оонньонно, талба талааннаах дьиэ- кэргэннэр ыллаан-туойан кэрэ, хатыламмат дьоро киэһэ саҕаланна. Кэлбит көрөөччүлэргэ «Саха литературатын төһө билэҕин?» ыйытык — оонньуу ыыттыллынна. Сөптөөх эппиэти биэрбит көрөөччүлэр сэмэй бириис ылан үөрдүлэр. Оонньуу түмүгэр квиз оонньууга кыттыбыт түөрт хамаандаҕа тэрийээччилэр бириистэрин туттардылар. Кинигэлэринэн оҥоһуллубут фотозонаҕа хаартыскаҕа түстүлэр. Түмүккэ уопсай хаартыскаҕа түһэн, астынан, үөрэн-көтөн, тэрийээччилэргэ махтананан тарҕастылар.